Борисова Ксения Вадимовна

"Дзоридза видз"

Описание красоты цветущего луга

Дзоридза  видз.

     Ме ола  вӧра-видза крайын. Каждӧй места – эта быдкодь серпас. Вот дзоридза видз. Татӧн быдмӧ вылын зелёнӧй сук турун и уна сера-рӧма дзоридз: катшасин,  ӧзимчача, сильканок, горадзуль. Кытшӧм рӧм только он адззы! И чочком, и гӧрд, и веж, и лӧз. Быдыс нія югьялӧны, пежьялӧны и гажӧтӧны син. А кытшӧм чӧскыт дукаӧсь!

     Видз вевдӧрӧт лэбалӧны бабыввез, юрсигуссез. Чеччалӧны ӧтік дзоридз вывсянь мӧдік вылӧ кӧбывкаэз. Сизьюр вылын пукалӧны балямошшез, мошшез, зіэз. Быдлаын кылӧ дзингӧм. Дзоридззез коласын позьӧ адззыны ягӧд: озъягӧд, балянянь, ӧмидз. Нылӧн дукыс тожӧ лэбалӧ руын, дзугсьӧм дзоридз дуккӧт. А кытшӧм бытшӧм букеттэз позьӧ ныись керны, кыйны юркытшшез шондікодь бабапеллезісь!

     Кытшӧм мича енӧж! Сы вылӧт уйӧны чочком кымӧроккез, кыдз бабыввез видз вевдӧрын.

     Сьылӧны быдкодь голосӧн каёккез.  Дзульзьӧны сьӧдкай, ыбшар, пистӧг. Кылӧ кыдз кӧкӧ кӧк, кыдз рака карзӧ, китшкӧ катша, рудкай чивзӧ,кыдз  чикись визлалӧ.

     Гожумӧн обязательно колӧ вовлыны этшӧм видз вылӧ!