Дарования Прикамья

Куксова Евгения Артемовна

«Ассяма козин»

Сказка «Ассяма козин» («Необычный подарок») о том, как давным-давно в далёкие страны наши предки с земли Пермской увезли на подарок красивую необычную птицу для того, чтобы она радовала своим пением руководителя далёкой страны. Люди этой страны искали разные способы, чтобы услышать в своей стране пение этой птицы, но так и не удалось людям, чтобы запела в чужой стране наша птичка.

Литературное произведение на коми-пермяцком языке.

 

Краткое описание сказки.

Сказка «Ассяма козин» («Необычный подарок») о том, как давным-давно в далёкие страны наши предки с земли Пермской увезли на подарок красивую необычную птицу для того, чтобы она радовала своим пением руководителя далёкой страны. Люди этой страны искали разные способы, чтобы услышать в своей стране пение этой птицы, но так и не удалось людям, чтобы запела в чужой стране наша птичка.

 

 

 

 

 

 

 

 

 

 

 

 

 

 

 

 

Сказка «Ассяма козин»

Абу мортлö донажык места, кытöн сія шогмис, край, кытöн сія быдмис, енӧж, кöда увтын сія чулӧтіс ассис олансӧ. Да и не только отир — пӧткаэз и вӧрпиэз, быдöс ловьяыс шонді увтын гажтöмччö роднöй му понда. 

Важынся-важын, кöр мийö эшö эгö вöлö му вылын, а олісö только миян пра-пра-прадеддэзным да пра-пра-прабаббезным, нуӧтісӧ  ылісь странаӧ юралісьлö козин -  öддьöн ассяма Коми-Пермяцкӧй округись Перемскӧй крайись каёкöс. Сія сідз сьыліс, что шондіыс  жагöнжыка бергавліс му гöгöр, кывзікö сылісь сьыланкыввесӧ.

Сэк тшӧктіс юралісь керны сылö золотöй клетка, ольсавны сэтчин небытик гӧн, вердны только сія бур сёянӧн, мый сёйӧ ылісь странаись юралісь. Ассис отсасисьсӧ сія керис видзöтісьӧн каёк сьöрын. Сія висьталіс отсасисьыслö:

— Ась кайыс татöн олö сэтшöм бура, кыдз сія некытöн эшö эз овлы. Ась сія пыр миянлӧ сьылö ассис басöк сьыланкыввесӧ.

Быдöс вöлі керöм юралісь приказ сьöрті. Быд асыв сія видзчисис каёклісь сьылöм, но сія шы эз сет, эз думайт сьывны. «Тыдалӧ, каёкыслö, кöда велаліс овны Коми-Пермяцкӧй округын Перемскӧй крайын, дзескыт  дворецас», - думайтыштіс юралісь и тшӧктіс петкӧтны каёксӧ аслас садӧ.  
Садыс юралісьлöн вöлі самöй басöкöн быдсöн мирас. Вына пуэз шумитісö зеленöй листоккезöн, чöскыт дукöн кöвьялісö вӧвлытӧм дзоридззез, муыс орсіс быдöс енӧшка рӧммезöн. Но каёкыс мылякӧ эз сьыв?  «Мый жö сылö öні оз тырмы? — думайтіс юралісь. – Разь сылö умöль ме дынын? Мыйсянь сія оз сьыв?»

Юралісь корис дынас ассис мед умнöй отирöс, медбы нія висьталісö ассиныс думаэзнысö. Ӧтік морт висьталіс: «Каёкыс пондіс шогавны», мӧдік шуис: «Сылöн öшис голосыс», куимӧт горӧтчис: «Каёкыс не сія, кинкӧ сійӧ вежис». Юралісь кывзіс быдöннысö внимательнöя и тшöктіс нöбöтны клеткасӧ сӧстöм вöрö. 
Но и сэтчин каёк сё сідз жö эз сьыв. Борддэсö öшöтіс муӧдз, синнэсис котöртісӧ гырись синваэз.

Сэк юралісь приказ сьӧрті тшӧктіс вайöтны мудрецöс.
— Если тэ миянлö сетан бытшöм совет и каёкыс пондас сьывны, то ме тэнö козьнала золото, — висьталіс сылö юралісь.

Быдса неделя думайтіс мудрецыс и висьталіс:
— Новйöтö каёксö асланыт странаӧт, мыччалӧ быдӧс бурсӧ, басӧксӧ, вӧвлытӧмсӧ, поди пондас сьвны.

Куим во сьӧрна мыччаліс юралісь ассис странасӧ. Но каёк эз и думайт сьывны. Сэк решитіс юралісь каёкнас иньдӧтчыны Пермскӧй крайӧдз.

Вот и локтісö Перемь карӧдз. Öшöтісö клеткасö каёкнас пу вылӧ.Сія гажтöма видзöтіс гöгöр и гусьöна – гусьöна пондіс сьывны. Сё ӧкмыс гажтöм сьыланкыв сьыліс сія, а кöр пондöтіс гажа сьыланкыв, уна и уна сэтшöм жö каёккез, кыдз и сія, локтісö быдласянь и пондісö сьывны сыкöт ӧтлаын. Сэк ылісь юралісьлӧ пондіс кывны, кыдз не только каёккес сьылöны, а сьылöны быдӧс вӧрпиэз, пуэз, дзоридззез, туруннэз, а ныкӧт и Перемскӧй крайись быдӧс оліссез. Вежӧртіс сэк ылісь юралісь, мыля сы странаын эз сьыв Россияись Перемскӧй крайись Коми-Пермяцкӧй округись басӧк каёк: «Сьывны позьӧ только сэтчин, кытöн тэ чужин».