VI Детский творческий фестиваль-конкурс

logo_darovaniya_2018

Снигирева Анастасия Михайловна

Чапк

рассказ

Чапкӧм деревня

Уна чапкӧм деревняэс му вылын.  Мунӧ отир кошшыны буржык олан да удж.

     Миян Косинской районын тожӧ эмӧсь сэтшӧм деревняэс. Колясӧ асссиныс керкусӧ отир да мунасӧ ыджытжык  местаӧ.

     Вэтлi они ме походӧ Селищеӧ. Селище поздiсис ыджыт керӧс вылын.  Тӧдчӧ эта керӧссянь  Коса посад.

      Локтан деревня дынӧ, панталӧ тэнӧ ыджыт кыдз да керку. Гажтӧма видзӧтӧны тэ вылӧ синнэз – ӧшыннэз. Нем керкуас абу ни. Сулалӧ  ӧтiк  гор. Чеччас одз асывнас мам, пӧжалас шаньгаэз да тупӧссез, нянь да пирӧггэз. Мунасӧ аймам быдса лун кеж уджавны. Чеччасӧ челядь да юасӧ  шоныт йӧлӧн стряпнясӧ.  

    Неылын видзӧтӧны тэ вылӧ кык керку. Стрӧйтӧмась нiйӧ ӧтамӧдлӧ паныт. Чукыльтчӧмась ни крышаэз нылӧн, жугассьӧмась ни ӧшыннэз.  Осьтаӧсь талун нылӧн ыбӧссэз, бытьтӧ сiдз и видзчисьӧны кинӧскӧ. Да некин оз лок. Тӧв ӧтнас  увгӧ деревня кузя, пырӧ порогӧт  керкуӧ да шутнялӧ быдкодь песня.

    Радӧсь токӧ чераннез: абу эстӧн морт  ни. Гардӧмась ассиныс чераньвеззэз,  кузьӧсь да чорытӧсь.

    Важын ни морт татӧн эз вӧл. Гажтӧмчоны  ыббез да видззез. Гӧгӧртiс деревнясӧ сук вӧр.

     Керӧссянь тӧдчӧ ыджыт Вадты. Югъялӧ тыыс шондiюгӧррэз увтын. Оджык ветлӧтiс  отир эта ты дынӧ, ваис ва да лечитiс ассис шогӧттез. Веськӧтлановӧй  ваыс тыас. Сьӧдся – сьӧд, пыдынся – пыдын. Локтан матӧ берег дорас, дикмас юр да усьны верман ваас.

       Важӧн годдэзӧ мунiс эта деревня пыр  Ыджыт туй Москавасянь  Сибирьӧ.

     Озӧ вунӧтчӧ  ӧння отир эта местасӧ, вӧллӧны видзӧтчыны,  ӧктыны ягод да тшак, юны сӧстӧм ва,  баитны отмамӧдкӧт олан йылiсь.