Старцева Мария Николаевна

Менам дона пель

Это всё о моей малой родине, деревне Палева.

Менам дона пельöсок

Места, кытöн ме чужи и быдма, мед ни гажа. Деревня миян не öддьöн ыджыт, но нюжалöма кузь кодя, сiдз кыдз öтiк улица. Туй бокöт öтмöдöрын кыссьöны небытик турунöн вевттисьöм канаваэз. Ны сайын сулалöны деревняись олiссезлöн керкуэз.

Роднöй деревняын быдöс меным любо. Быдлаын öддьöн гажа. Эм миян деревняаным ыджыт пруд. Тулыснас локтöны пруд вылас уткаэз, пошшöны сэтöн, а сыбöрын семьяоккезнаныс уялöны. Велöтöны ассиныс пиянноккезнысö быдöсö. А мийö любуйтчам нiйöн. Гожумнас, жар луннэзö,  пыр сэтöн купайтчам. Петам берег вылö, куйлыштам небытик турунок вылын и бöра тульниччам ваас. А  ваыс шонытся-шоныт,  кыдз синва. Эшö любитам чериавны. Шедасö кö учöтик чериокккез, мийö нiйö жалейтам, лэдзалам бöр прудас.

         А мымда гожумнас миянын овлö тшак да ягöд! Оз ни ков ылына некытчö мунны, петан огоредеч сайö, сэтöн и быдмö быдöс.Тырöм ыббез вылiсь июль месяцö öктам озъягöд, невна сёрöнжык öм чöскöтам öмидзöн. Ар ладорас быдласинь миянö локтöны öктыны тшак. И öтiк морт, натьтö, оз мун тырттöм дозöн.  Öктöны эд не мый-нибудь, а кызрыжык. Быдкодь тшакыс овлö уна: и масляк, и гöрдгриб, и гöстшак, и ниндуль, и бабапель… Мый колö – сiйö и öкты.

А эшö мыйöн ме гордитча, что миян деревняын чужис да быдмис гора нима морт -  Л.А. Старцева-Косова.

Ме думайта, некытöн ни абу сэтшöм гажа да бур местаыс. Кытчö бы ме эг мун, кытöн бы ме эг вöв, некöр ог вунöт ассим деревнясö да сы гöгöрись местаэсö.