VI Детский творческий конкурс-фестиваль

logo_darovaniya_2018

Семериков Дмитрий Геннадьевич

Кывбур "Менам айо - уджа морт"

Стихотворение на коми-пермяцком языке о трудолюбивом отце

                    Менам айö  — уджа морт               

Менам айö  — уджа морт,

Пыр сiя уджалö.

То ли дорсьö, кöстö кöрт,

То ли нянь пöжалö.

 

Гöрö  йöр и гöрö  ыб.

Сыбöрын пинялö.

Ми садитамö  картов,

Медбы эг тшыгьялö.

 

Ыбыс ыджыт, син оз судз,

Колö дозирайтны.

Айö  менам оз и узь,

Видзöт, ыб меряйтö!

 

Босьтöм киас уна доз,

Тэчöм сю быдлаö.

Сэсся сюсö да кöдзыс

Ыб вылас коялö.

 

Сюсö кöдзö быдса лун,

Оз ешты шоччисьны.

Мийö  локтам велöтчансянь,

мунамö  отсасьны.

 

Арнас айöлöн сьöлöм

Ыбыслö радуйтчö.

Уна быдкодь матурун

Айöлö копыртчö.

 

Мошным сэтiсь öктö  ма,

Миянлö  сетыштö.

Медбы тöвнас зэв уна

Здоровьеным содыштiс.

 

Локтас кад кö  тшак öктан,

Ай котöртö  вöрö.

Тшаксö косьтö  ой и лун,

Сыбöрын вузалö.

 

А ягöдыс! Ой — ей — ой!

Мымда татöн овлö!

Пуягöд да туримоль

Айöс нюрö корö!

Мунö нюр вылö, оз мыдз,

Öктö  кык мешöкöн!

Мамö шуö: «Кыдз нö сiдз?

Кöть бы котелокöн!»

 

Пыр уджалö менам ай,

Вольö кер,  строитö.

Перво баня да сарай,

Таво — керку вильö!

 

Трактористöн менö ай

Керис öкмыс годö.

«Но-ко, Дима, тэ давай!

Отсасьыштны колö!»

 

Мый горöтча? Кывза эд!

Колö! Значит, колö!

Öнi гöрны кутча ыб,

Синнэз оз ни полö!

 

Мийö айöлöн нёль зон!

Быдмам сы кодьöсь жö!

Мед гордитчö миянöн

Да и миян уджöн!

 

Ми желайтам тэныт, АЙ,

Овны уна воэз!

Ен мед сетö тэныт, АЙ,

крепытö здоровье!