Салтанова Роксана Юрьевна

"Том коммунистка Анна Хомякова отир т"

работа на коми-пермяцком языке

МБОУ «Чазёвская ООШ»

Велöтчись: Салтанова Роксана

Велöтісь: Мартынова В.Е.

Том коммунистка Анна Хомякова отир тöдö.

Öтпыр миянö вовліс гöститны баба Тоня. Годдэз сылö уна ни. Но сія эшö боёк, висьтасис да  да юасис менчим велöтчан йылісь.  Сылö мылякö лоис интересно видзтны менчим учебник коми -пермяцкой литература  да ордчöтны , а кытшöм вöлі сылöн , кöр сія велöтчис. Ошкис виль небогсö. Петіс сідз, что учебникись сія казяліс поэма «Анна Хомякова». Сэк сія гордöя висьталіс, что Анна Хомякова оліс сы деревняын, кöдö шуисö кöркö «Сьöд Мокин». Öні эта деревнялöн нимыс Борино, кöда лоö квать километр ылына Кочовасянь. Баба Тонялöн сэтшöм жö фамиллё Хомякова, и сія гордитчö аслас фамиллёöн. Сія донтö этö мортсö, пыр лыддьö, что сія отир коласын гора нима морт. И эта пантасьöм баба Тонякöт колис меным дума, что фамиллё пыр пондас видзны отир коласын эта геройсö. А этна луннэзö коми-пермяцкöй литература урок вылын ми лыддьöтімö этö поэмасö.

Октябрь 11 лунö 2018 годö тырис 120 год тöдчана том коммунисткалö, коми-пермячкалö, агитаторшалö Анна Ефимовна Хомяковалö. Этö мортсö мийö öніся оліссез тöдамö, кыдз литературнöй геройöс С.И.Караваев «Анна Хомякова» поэма сьöрті.