Батуев Артем Александрович

"Карчйор"

работа на коми-пермяцком языке

МБОУ «Чазёвская ООШ»

Велöтчись: Батуев Артём 7 кл

Велöтісь: Мартынова В.Е.

 

Карчйор

Мамö пыр баитö: «Деревня олö карчйöрöн. Кинлöн эм карчйöр, сія некöр оз тшыгьяв». Мый жö бы висьталö этöн мамö миянлö, аслас  челядьлö. Да этна кыввезöн сія миянöс велöтö уджавны карчйöрын. Быль, миян горт керку дынын эм ыджытся-ыджыт йöр. Мый только сэтчин оз быдмы гожум коста. Картошка местасö занимайтö медуна.   Гряддэз вылын быдмö капуста, лук,чеснок, свекла, морковь, сертни, кушман, калег. Ордчöн эмöсь кык парник. Сэтöн быдмö огурец, помидор, перец.

Май месяцö аймам миянöс тшöктöны отсавны садитчыны. Быд садитöм карчлöн эм ассяма удж. Июнь месяцö миянöс тшöктöны киськавны карчсö ваöн, мед петассэз ловзисö, эз кулö. Кöр быдмыштасö, сэсся летны ны коласісь ёг, мед бы нія быдмисö бытшöма, крепыта, паськыта. Велöтöны сапуйтны картошка,кöда ме понда сьöкыт удж. Эта уджöн, мам баитöмöн, небзьöтам картошка понда  му, сэк картошка быдмö ёнжыка.

Сенябрь месяцын локтö миян понда мыла бырöтан удж, кöр мийö гарьям картов. Папö мотоблокöн мöдöртас картошка грядсö, а ме воннэзöкöт да мамö öктам сійö. Картошкасö кисьлам стена бокö косьтыны. Кынымкö лун бöрті быдöнным öтлаын куралам да бöрьям, медбы дзимлявны тöв кежö. Таво кончитöм бöрын айö висьталіс, что картов шогмöм, туяс быдса тöв вердны да видзны унажык пода.

А семья миян ыджыт, ай, мам да нёль вон, сідзкö, карчйöр миянöс вердö.