Кучев Кирилл Иванович

"Кыдз пап"

работа на коми-пермяцком языке

МБОУ «Чазёвская ООШ»

Велöтчись: Кучев Кирилл

Велöтісь: Мартынова В.Е.

Кыдз папö керис гор.

2004 годö папö пондöтчис строитны кеку. Сэк ме учöтик вöлі. Но папö висьтасис, кыдз сія вартöм горсö. Вайöм му, лöсьöтöм паськыт кöс пöввез, столббез, кöднö сувтöтлöмась джодж увтö гор весьтас. И вот, кöр быдöс гöтöвитöм, керöмась помеч, сідз кыдз öтік мортöн этö уджсö он пö кер.

Перво лöсьöтöм горпозсö пöввезісь. Сыбöрын горпод вылö öктöны асьсö горсö мусис, кöдö вартöны кöртöвöй тоинöн. Одзлань öктöны гор пытшксö. Эта понда керöны пöввезісь костел. Сэсся бöра мусö сы вылö тэчöны и вартöны.

Удж кончитöм бöрсянь помечанаöс гöститöтöны. Эта потшшуйтöмыс , ме синнэзын всё эшö видзсьö. Папö локтіс горöм дынö, босьтіс горпöдан и ухват отсöтöн кыскис горись сковородка, кытöн вöлі черинянь. Сэк быдöнныс этö чериняньсö сёйисö да ошкисö, горыс пö öддьöн öддя.

 Кад чулаліс, ме быдмышті. А дума, мыля горись петіс черинянь, дыр эшö юрвемын видзсис. Öні, кöр велöтча школаын вежöрті, что эм сэтшöм обычай: гор вартан коста горпод вылö пуктыны черинянь, медбы сэсся ошкыны горсö, медбы с!я служитис дыр. А этöн и помечаналісь уджсö, да кöсйыны горлö  öд  и кузь век хозяинлö служитны.